На працягу тыдня атрад "Першы крок" будзе працаваць у Гомельскім і Буда-Кашалёўскім раёнах.

18 юнакоў і дзяўчат – байцы студатрадаў з розных куткоў Беларусі і Расіі – правядуць патрыятычныя і прафарыентацыйныя мерапрыемствы для рабят з вёсак, майстар-класы, канцэрты, дапамогуць ветэранам Вялікай Айчыннай вайны, адзінокім жыхарам вобласці.

– Усяго ў краіне сфарміравана дзевяць атрадаў, якія раз'язджаюць па рэгіёнах. Мы ўжо прыступілі да працы на Гомельшчыне: сёння «Першы крок» акультурыў тэрыторыю школы-інтэрната, дапамог Гомельскаму раённаму сацыяльна-педагагічнаму цэнтру, – адзначыла камандзір атрада Ія Марчанка. – Я ўжо трэці раз удзельнічаю ў праекце. Самае важнае, што набыла за гэты час, – мора эмоцый, напрыклад, калі атрымліваеш аддачу ад хлопчыкаў і дзяўчынак, з якімі працуеш, і, вядома, дапамагаючы ветэранам Вялікай Айчыннай вайны. Сустрэцца з імі, пачуць аповяды аб тых страшных часах з першых вуснаў – дарагога варта.

Са словамі на дарогу да байцоў атрада звярнулася першы сакратар абкама БРСМ Юлія Ліпоўская, таксама яна ўручыла юнакам і дзяўчатам падарункі.