Прыватная медыцынская ВНУ Central Asian Medical University заснавана ў Фергане ў 2022 годзе. Пасля ўвядзення новага корпуса тут змогуць навучацца не менш за 6000 студэнтаў. А перспектывы вялікія: запыт ад бальніц і клінік не змяншаецца вось ужо некалькі гадоў.

Навучанне цалкам пабудавана на інтэрактыве: апроч тэорыі, будучыя ўрачы на месцы трэніруюць практычныя навыкі на сімулятарах і спецыяльных маніпуляцыйных панэлях.

Ва ўстанове адукацыі пабывала дэлегацыя Гомельскай вобласці.

– Усё, што вамі створана, – гэта велізарныя магчымасці для студэнтаў, з іх вырастуць спецыялісты высокага класа. Нашы сяброўскія адносіны трэба развіваць у тым ліку ў гуманітарнай сферы. Таму прапаную вам больш актыўна супрацоўнічаць з гомельскімі медуніверсітэтам і медкаледжам, – парэкамендаваў рэктару ВНУ Нурыло Мамасадзікаву старшыня Гомельскага аблвыканкама Іван Крупко.

Кіраўніцтва ўніверсітэта ідэю падтрымлівае: найбліжэйшым часам з калегамі з Беларусі абяцаюць выйсці на сувязь.