З пытаннямі да губернатара звярнуліся чатыры жыхары рэгіёна. Прасілі прызначыць дадатковую праверку па выніках аказання меддапамогі, падвесці святло да асабістай падсобнай гаспадаркі, ліквідаваць наступствы падтаплення, вырашыць спрэчку з суседзямі.

У Таццяны Віктараўны з пасёлка Юбілейны Гомельскага раёна за апошнія гады некалькі разоў падтапляла ўчастак, дзе знаходзіцца яе дом. Вада стаіць у падвале і на зямлі падчас паводкі.

– Мой дом у самай нізкай кропцы. У памяшканні сыра, знаходзіцца там немагчыма. У мяне працуе тры помпы, але і гэта не ратуе. Абводны канал па суседстве таксама затоплены, вада ў яго не сыходзіць.

Часткова праблему вырашыць ліўневая каналізацыя, яе злучаць з каналізацыяй шматкватэрнай забудовы. Работы правядуць да 1 верасня, запэўніў губернатар. Паралельна побач з домам заяўніцы будуць узводзіць шматпавярхоўкі, у праекце прадугледжана інжынерна-транспартная інфраструктура з поўным водаадводам, да якога падключаць і домаўладанне Таццяны Віктараўны.

Астатнія пытанні Іван Крупко ўзяў на асабісты кантроль.