Перад пачаткам пасяджэння аблвыканкама губернатар Іван Крупко выканаў прыемную місію – узнагародзіў пераможцаў конкурсу "Ратавальнік года".

За высокі прафесіяналізм, праяўлены пры выратаванні людзей і ліквідацыі НС, узнагароды атрымалі:

– ляснік Петрыкаўскага лясгаса Павел Герасіменка; 

– сямейная пара Глеб і Анастасія Місевіч з Мазыра; 

– рабочы ўпраўлення палявых сейсмаразведачных работ "Беларуснафты" Аляксандр Вашчанка; 

– пенсіянер Сяргей Кузьменка;

– навучэнец Жлобінскага дзяржаўнага металургічнага каледжа Арцём Рудкоўскі; 

– трактарыст-машыніст сельскагаспадарчай вытворчасці філіяла «Дубрава-Агра» Вячаслаў Прымак;

– трактарыст-машыніст адкрытага акцыянернага таварыства "Чырвоная Буда" Андрэй Раманенка.

Усе яны памаглі людзям пры пажары і на вадзе. Сярод выратаваных – двое дзяцей.

У намінацыі "За асабісты ўклад у работу па прапагандзе бяспекі жыццядзейнасці і развіцця добраахвотнасці" ўзнагароды ад Івана Крупко атрымалі:

– старшыня Жыткавіцкага райвыканкама Мікалай П'яўко;

– старшыня Мазырскага райвыканкама Алена Паўлечка;

– старшыня Калінкавіцкага райвыканкама Сяргей Гвоздзь.

Пераможцамі творчага конкурсу на лепшае асвятленне дзейнасці МНС і асноў бяспекі жыццядзейнасці сталі:

– адказны сакратар рэдакцыі газеты "Светлагорскiя навiны" Аліна Губко;

– рэдактар аддзела грамадска-палітычнай інфармацыі рэдакцыі газеты "Маяк Палесся" Валянціна Бельчанка;

– галоўны рэдактар газеты "Дняпровец" Вольга Нікан і працоўны калектыў установы.

За прафесійную кампетэнтнасць, праяўленую ініцыятыву і значны ўклад у галіне прафілактыкі надзвычайных сітуацый і іх наступстваў узнагароду атрымала намеснік начальніка галоўнага ўпраўлення арганізацыйна-кадравай работы Гомельскага абласнога выканаўчага камітэта Вольга Рабікава.