Адзіны ўрок, прысвечаны Дню Перамогі, пройдзе ва ўсіх школах Беларусі 7-8 мая. Такая інфармацыя размешчана на Нацыянальным адукацыйным партале, паведамляе БЕЛТА.

Урок праводзіцца ў мэтах выхавання ў вучняў грамадзянскасці і патрыятызму, гонару за гераічнае мінулае Радзімы, гатоўнасці служыць на карысць свайго народа, фарміравання разумення каштоўнасці міру на Зямлі.

Пры падрыхтоўцы адзінага ўрока выкладчыкам прапануецца выкарыстоўваць матрыцу, падрыхтаваную спецыялістамі Акадэміі адукацыі, якая дасць магчымасць правесці мерапрыемства з улікам узроставых асаблівасцей вучняў (у 1-4-х, 5-8-х, 9-11-х класах). Яна размешчана на Нацыянальным адукацыйным партале.