Соф'я Шах звярнулася з ініцыятывай і прапанавала добраўпарадкаваць месца пахавання сям'і Пушчыных у гарпасёлку Парычы. 

Па словах мясцовай жыхаркі, Міхаіл Іванавіч Пушчын быў мецэнатам, пабудаваў жаночае вучылішча духоўнага ведамства. З 1860-х гадоў да Кастрычніцкай рэвалюцыі 1917 года вучылішча выпусціла 1680 настаўнікаў пачатковых класаў.

Губернатар даручыў стварыць камісію, падняць архіўныя матэрыялы для дэталізацыі інфармацыі. Гісторыю скажаць нельга, падкрэсліў Іван Крупко. Таму для ўвекавечання памяці тых ці іншых гістарычных дзеячаў важна разабрацца ва ўсіх фактах і мець дасканала вывераныя звесткі.