Напярэдадні 80-годдзя Перамогі савецкага народа ў Вялікай Айчыннай вайне намеснік старшыні аблвыканкама Дзмітрый Алейнікаў пагутарыў з навучэнцамі.

Размова ішла аб страшных злачынствах фашыстаў, самаадданай барацьбе нашага народа, партызанскім руху. Успомнілі герояў, якія змагаліся на перадавой і ў тыле.

Як адзначыў Дзмітрый Алейнікаў, у гады вайны народ не апусціў рукі і не пакарыўся. Перамога была і застаецца за намі. І ніхто не зможа перапісаць гісторыю, як бы ні стараліся за мяжой. Мы захаваем гэты подзвіг, каб нашы дзеці і ўнукі ведалі цану міру і спакою.

Сустрэча прайшла ў фармаце дыялогу, навучэнцы задалі пытанні. Напрыклад, ці будуць у рэгіёне адкрыты новыя мемарыяльныя комплексы, як Беларусь падтрымлівае прадпрымальнікаў, якія якасці ўласцівыя кіраўнікам на высокіх пасадах. Дыялог атрымаўся яркім і павучальным.