На сустрэчы з калектывам Лельчыцкай ЦРБ старшыня аблвыканкама Іван Крупко абмеркаваў тэму «Адукацыя і навука – рухаючая сіла развіцця грамадства і дзяржавы».

У Гомельскай вобласці працуе 1141 установа агульнай сярэдняй адукацыі, сем вну, 36 прафесійна-тэхнічных навучальных устаноў. У мінулым навучальным годзе 579 выпускнікоў школ атрымалі асаблівыя атэстаты з уручэннем залатога медаля, у скарбонцы паўднёва-ўсходняга рэгіёна 235 стобальных сертыфікатаў цэнтралізаванага экзамену.

На сустрэчы было адзначана, што ў Беларусі кожны мае права на бес-платную адукацыю, нашы навучальныя ўстановы запатрабаваны сярод замежных грамадзян, паспяхова працуюць інавацыйныя лабараторыі і даследчыя цэнтры. Захаванне прафесійна-тэхнічнай і сярэдняй спецыяльнай адукацыі дазваляе падрыхтаваць высокакваліфікаваных спецыялістаў па рабочых прафесіях.

– У нашай краіне робіцца многае, каб моладзь змагла рэалізаваць сябе ў Беларусі і заявіць пра сябе на сусветнай арэне, – падкрэсліў кіраўнік рэгіёна.

Медыкі таксама змаглі задаць губернатару пытанні, якія іх цікавяць.

У ходзе жывога дыялогу работнікі Лельчыцкай ЦРБ пыталіся Івана Крупко аб мэтавым размеркаванні ўрачоў, мадэрнізацыі сацыяльных аб'ектаў, новаўвядзеннях у сістэме адукацыі. Маладыя спецыялісты папрасілі даць параду для кар'ернага росту.

– Ваша прафесія будзе патрэбна людзям заўсёды, вы запатрабаваны ў кожным з раёнаў. Трэба стаць прафесіяналам на сваім працоўным месцы, не адмаўляцца ад навучання і павышэння кваліфікацыі. Не баяцца рухацца наперад і ўдасканальвацца. Тады калегі пачнуць вас паважаць яшчэ больш. Поспехаў! – даў наказ старшыня аблвыканкама.

На пытанне аб тэрмінах рамонту раённага цэнтра творчасці дзяцей і моладзі губернатар адказаў, што праектна-каштарысная дакументацыя па аб'екце ёсць, экспертыза пройдзена. Будаўнікі займаюцца узмацненнем апорных канструкцый і каркаса, рамонтам даху.

– Калі не сёлета, то ў наступным абавязкова адкрыем цэнтр, – рэзюмаваў кіраўнік рэгіёна.

У Лельчыцкай цэнтральнай раённай бальніцы праводзіцца рамонт, закупа-ецца новае абсталяванне. Частка сродкаў на рэканструкцыю была выдзелена з бюджэту, частка работ выконваецца за ўласныя сродкі. Іван Крупко праінспектаваў ход работ. Губернатар даручыў галоўнаму ўрачу абсталяваць палаты з палепшанымі ўмовамі, а таксама разгледзець магчымасць перадачы невыкарыстоўваемых плошчаў пад аддзяленне рэабілітацыі альбо пад сацыяльны пансіянат:

– Памяшканні трэба выкарыстоўваць з розумам. Усё, што можна, абавязкова прывесці ў парадак.

На дадзены момант ложкавы фонд у раёне – 166 ложкаў, з іх у ЦРБ – 109 ложкаў з паліклінікай. Колькасць абслугоўваемага насельніцтва складае больш за 23 тысячы чалавек.