Партнёрства рэгіёнаў – фундамент дружбы: гомельская дэлегацыя ўдзельнічае ў рабоце сесій Форуму рэгіёнаў

«Міжрэгіянальнае супрацоўніцтва, узаемадзеянне органаў мясцовага самакіравання Расіі і органаў мясцовага кіравання Беларусі: вопыт і перспектывы» – галоўная тэма адной з секцый Форуму рэгіёнаў, дзе працуе дэлегацыя Гомельскай вобласці на чале з губернатарам Іванам Крупко.

Пасяджэнне праходзіць на тэрыторыі Ніжагародскага Крамля з удзелам кіраўнікоў рэгіёнаў дзвюх краін, дэпутатаў, кіраўнікоў прадпрыемстваў.

З беларускага боку ўдзельнікаў вітаў старшыня Пастаяннай камісіі Савета Рэспублікі па рэгіянальнай палітыцы і мясцовым самакіраванні Леанід Заяц:

–Паглыбленне ўсебаковай інтэграцыі з'яўляецца прыярытэтным напрамкам знешняй палітыкі нашых дзяржаў. Колькасць падпісаных кантрактаў, у тым ліку на палях форуму, сведчаць пра пастаянны попыт на прадукцыю і паслугі Беларусі і Расіі. Смела можна казаць, што міжрэгіянальныя сувязі даюць асаблівы імпульс нашаму ўзаемавыгаднаму супрацоўніцтву.