У рамках адзінага дня інфармавання гаварылі пра ролю сямейных каштоўнасцяў у сучасным грамадстве.

Перад пачаткам мерапрыемства Руслан Пархамовіч азнаёміўся з матэрыяльна-тэхнічнай базай бальніцы, разам з галоўным урачом Ігарам Кірэнем усклаў кветкі да помніка ваенным медыкам, ураджэнцам Брагінскага раёна, а таксама паглядзеў кабінет камп'ютарнай тамаграфіі. Ён адзначыў, што ў рэгіёнах жыхары павінны атрымліваць якасную, своечасовую медыцынскую дапамогу.

Сустрэча з урачамі прайшла ў фармаце адкрытага дыялогу.

– Добра, калі ў чалавека ёсць сям'я і традыцыі ўнутры яе. Чым даўжэй ланцужок, які злучае паміж сабой пакаленні, тым мацней узаемаадносіны паміж блізкімі, – падкрэсліў Руслан Пархамовіч.

Работнікі задавалі пытанні аб жыллі для маладых спецыялістаў і аб далейшых планах па развіцці Брагіншчыны.