На парадку дня: сустрэча з працоўным калектывам КЖУП «Буда-Кашалёўскі камунальнік», наведванне школы і прыём грамадзян у райвыканкаме.

Якім быць Году якасці, хто можа прэтэндаваць на Дзяржаўны знак якасці, а таксама, як дасягнуць амбіцыйнай мэты: паставіць кантроль якасці вырабляемых тавараў і паслуг, якасці жыцця краіны на больш высокі ўзровень. На гэтыя і іншыя важныя тэмы Юрый Горлаў пагутарыў з работнікамі камунальніка. У ажыўленай гутарцы, якая доўжылася каля дзвюх гадзін, не было закрытых тэм. 

Падчас дыскусіі абмеркавалі ход перадвыбарнай кампаніі, праблемы пажараў і гібель людзей на іх. Не абмінулі вынікі работы прадпрыемства за мінулы год і перспектывы развіцця на бягучы. Памочнік Прэзідэнта цікавіўся, што ў планах у прадпрыемства па добраўпарадкаванні і азеляненні райцэнтра, рамонце вулічна-дарожнай сеткі і дваровых тэрыторый, як пабудавана ідэалагічная работа ў калектыве.

Звяртаючыся да прысутных, Юрый Горлаў адзначыў: «Вы ведаеце, што нашым Прэзідэнтам Аляксандрам Лукашэнкам 2024 год аб'яўлены Годам якасці. Прычым гэта было зроблена задоўга да наступлення Новага года. З майго пункту гледжання гэта зроблена для таго, каб у нас быў час падрыхтаваць мерапрыемствы, зрабіць глыбокі аналіз, дзе не дапрацоўваем і пачаць 2024 год з іх рэалізацыі. Ад вас, як работнікаў сферы ЖКГ, шмат у чым залежыць не толькі настрой людзей, але і якасць жыцця. Менавіта на якасць прадастаўлення жыллёва-камунальных паслуг людзі рэагуюць вастрэй за ўсё. У Год якасці кожны павінен пачынаць з сябе і памятаць, што дасягнуць яго можна толькі пры адной умове: калі кожны з нас вызначыць для сябе свой асабісты план па павышэнні якасці сваёй працы і будзе прытрымлівацца яго».

Памочнік Прэзідэнта – інспектар па Гомельскай вобласці Юрый Горлаў у рамках азнаямлення з сацыяльнай інфраструктурай райцэнтра наведаў гарадскую лазню і сярэднюю школу № 1 г. Буда-Кашалёва, абмеркаваў дасягненні, планы і праблемныя пытанні, якія патрабуюць яго дапамогі.

Завяршылася рабочая паездка памочніка Прэзідэнта ў Буда-Кашалёўскім райвыканкаме, дзе ён правёў асабісты прыём грамадзян. Так, жыхарка Гомеля прасіла садзейнічання ў вырашэнні працоўнага спору, а жлабінчанін скардзіўся на работу старшыні жыллёва-будаўнічага спажывецкага кааператыва. Зваротаў ад мясцовых жыхароў не паступіла. Па ўсіх пытаннях Юрый Горлаў даў адпаведныя распараджэнні і ўзяў іх выкананне на асабісты кантроль.

Падводзячы вынікі візіту, памочнік Прэзідэнта – інспектар па Гомельскай вобласці адзначыў: «Сёння ў рамках адзінага дня інфармавання я наведаў камунальнае жыллёвае ўнітарнае прадпрыемства «Буда-Кашалёўскі камунальнік», дзе мы пагаварылі з працоўным калектывам на тэму Года якасці. Разам абмеркавалі, як палепшыць якасць паслуг насельніцтву, бо тая работа, якая праводзіцца жыллёва-камунальнай гаспадаркай, вельмі важная для кожнага чалавека. Разгледзелі пытанні ад асфальтавання і рамонту дарог да капітальнага рамонту жылля, дваровых тэрыторый, добраўпарадкавання, мерапрыемствы ў рамках Года якасці і шляхі іх рэалізацыі. Я ўбачыў, што калектыў пазітыўна настроены на выкананне ўсіх задач. І тыя работы, якія яны вырабляюць самі ў рамках такога невялікага горада, таксама заслугоўваюць станоўчай ацэнкі. Вядома, ёсць пэўныя недапрацоўкі, але, як той казаў, нашы недахопы – гэта нашы рэзервы. Важна іх своечасова ўбачыць і аператыўна вырашыць з мэтай паляпшэння якасці жыцця нашых людзей».