На пасяджэнні абласнога выканаўчага камітэта абмеркавалі рэалізацыю праграмы "Камфортнае жыллё і спрыяльнае асяроддзе", падвялі вынікі работы са зваротамі грамадзян і юрыдычных асоб

Разгледжаны таксама пытанні ўдасканалення работы дыспетчарскай службы 115. Вёў пасяджэнне старшыня аблвыканкама Іван КРУПКО.

Не цягніце да апошніх лічбаў снежня

На Гомельшчыне, як было падкрэслена ў пачатку пасяджэння, да справаздачнага перыяду выканана большасць асноўных паказчыкаў дзяржпраграмы "Камфортнае жыллё і спрыяльнае асяроддзе", а гэта значыць, што мясцовае насельніцтва забяспечана ў поўнай меры ўсімі відамі жыллёва-камунальных паслуг, у патрэбным аб'ёме і належнай якасці. Між тым, па шэрагу раёнаў і канкрэтных камунальных прадпрыемстваў канстатавалі недахопы ў працы.

Да прыкладу, паказчык уводу жылых дамоў пасля капітальнага рамонту перавыкананы: за 10 месяцаў увялі 412,4 тысячы квадратных метраў пры заданні 403,3 тысячы (102,2%). Аднак да патрэбнага ўзроўню тут не дацягнулі ў Веткаўскім, Буда-Кашалёўскім, Брагінскім, Ельскім і некаторых іншых раёнах. Высокі паказчык дасягнуты за кошт іншых тэрыторый.

Паспяхова спраўляецца вобласць з заданнем па замене ліфтаў: з 272 адзінак замянілі 243, гэта амаль 90% да плана. Да канца года паказчык будзе выкананы.

У шэрагу раёнаў трэба будзе актывізаваць работы па мадэрнізацыі цепласетак (замена ПІ-труб), каб давесці да патрэбнага, даведзенага заданнем узроўню зніжэння страт цеплавой энергіі.

Важнае пытанне – забяспечанасць спажыўцоў вадой пітной якасці. Да вобласці даведзена заданне ў 2023 годзе давесці ўзровень забеспячэння жыхароў такой вадой да 97,8%. Па факце за 10 месяцаў параметр давялі да 98%. Хоць губернатар звярнуў увагу на неабходнасць паскорыць работы па будаўніцтве і ўводу ў вобласці станцый абезжалезвання. Пакуль уведзена 24 аб'екты, яшчэ на васьмі ідуць будаўніча-мантажныя работы. Да канца года павінны здаць 31 станцыю.

У 2025 годзе ўзровень забеспячэння ўсіх жыхароў вобласці чыстай вадой павінен дасягнуць 100%.

Канкрэтна па станцыях абезжалезвання вызначана фарсіраваць работы, на гэтым акцэнтавалі асаблівую ўвагу. Пастаўлена задача ўладзіць усе моманты з фінансаваннем і закрыць гэтае пытанне.

Як заўважыў старшыня аблвыканкама, адна з часта сустракаемых праблем у гэтай сферы – зацягванне тэрмінаў здачы аб'ектаў (датычыцца і станцый, і замены труб, і капрамонту) да снежня, нават да апошніх дзён снежня. Гэта відавочна нядобрая традыцыя і ад такой практыкі адназначна трэба адыходзіць.

Фіксуюцца ўсе звароты – без варыянтаў

На Гомельшчыне за мінулы перыяд года зафіксавана скарачэнне зваротаў грамадзян у Адміністрацыю Прэзідэнта і Савет Міністраў Рэспублікі Беларусь. Разам з тым, павялічылася колькасць тых, хто звярнуўся ў аблвыканкам і Камітэт дзяржаўнага кантролю. Агульная колькасць зваротаў знізілася на 12,5% да таго ж перыяду 2022-га.

Тэматыка скаргаў шмат у чым тыповая: пытанні ЖКГ і дарожнай гаспадаркі (больш за 30%), зямельныя адносіны, якасць паслуг у медыцыне, адукацыі, сферы гандлю і бытавога абслугоўвання, а таксама пытанні работы садовых таварыстваў. Часцей за іншых у розныя інстанцыі звярталіся жыхары Ельскага, Мазырскага і Светлагорскага раёнаў.

На 37% скарацілася колькасць ананімных зваротаў. Рэагаваць на падобныя скаргі, як было падкрэслена, трэба ў апошнюю чаргу. Як паказвае практыка, выкладзеная ў"ананімках" інфармацыя часта не адпавядае рэчаіснасці, а рэагаванне на іх толькі распыляе сілы спецыялістаў і службовых асоб.

Акрамя таго, даручана раз і назаўжды зжыць практыку сельсаветаў у некаторых раёнах рэгістраваць толькі электронныя звароты. Вусныя, якія паступілі на асабістых прыёмах і па тэлефонных лініях, а таксама пісьмовыя звароты маюць тую ж сілу і абавязковы для рэгістрацыі. Парушальнікаў жа гэтага відавочнай ўмовы чакае дысцыплінарнае спагнанне.

Была закранута таксама тэма бяспекі дарожнага руху, у прыватнасці, разгледзелі праблему адключэння на ноч вулічнага асвятлення ў сельскіх населеных пунктах у шэрагу раёнаў. Губернатар паставіў задачу вырашыць яе ў сціснутыя тэрміны, забяспечыўшы неабходны ўзровень асветленасці. Бяспека людзей заўсёды была і будзе на чале вугла.

Набраць тры лічбы і зняць пытанне

Кантакт-цэнтр і адзіная дыспетчарская служба 115 працуюць у воблас-ці з 2019 года. Штодзённая змена аператараў – ад аднаго да пяці чалавек, але ў перыяды пікавых нагрузак (пры пазаштатных сітуацыях, аварыях) колькасць супрацоўнікаў павялічваецца. Але ў цэлым у штаце службы 60 чалавек. Бо там не толькі прымаюць званкі, але і аналізуюць усе звароты, наладжваюць узаемадзеянне ўсіх іншых службаў і ведамстваў для вырашэння паступаючых пытанняў.

За 10 месяцаў па нумары 115 паступіла каля 520 тысяч заявак ад жыхароў вобласці, прыкладна палова з іх насіла кансультацыйна-даведачны характар. Доля рэагавання са здыманнем праблемы склала 98,2%.

З пачатку года за неналежную адпрацоўку заявак да дысцыплінарнай адказнасці прыцягнута больш за 200 спецыялістаў, уключаючы кіраўнікоў прадпрыемстваў і намеснікаў старшынь райвыканкамаў.

Дзейнасць службы трэба будзе і далей удасканальваць. Даручана, у прыватнасці, паскорыць працэс падпісання дагавораў, дзе прапісаны пытанні функцыянавання службы і кантролю заявак на месцах, з арганізацыямі за-будоўшчыкаў, таварыствамі ўласнікаў. Усё вырашыць да канца гэтага года.

Удзел у рабоце пасяджэння прыняў памочнік Прэзідэнта – інспектар па Гомельскай вобласці Юрый Горлаў.