Сёння ва ўсіх установах адукацыі вобласці было цішэй, чым звычайна. Сярод звыклых хіміі, матэматыкі і літаратуры ў раскладзе з'явіўся яшчэ адзін важны ўрок – "Ала – сястра Хатыні".

Ён праходзіў і ў гімназіі № 14 Гомеля. Тут у памятную дату з вучнямі сустрэўся дэпутат Палаты прадстаўнікоў Нацыянальнага сходу Беларусі Віталь Уткін.

– Такія ўрокі гістарычнай памяці – гэта бітва з тымі, хто спрабуе сёння абяліць фашызм. Рэспубліка Беларусь агучвае рэальныя гістарычныя факты, адкрыта гаворыць аб генацыдзе, нагадвае ўсяму свету пра найвялікшую трагедыю, гераізм савецкага народа ў гады Вялікай Айчыннай вайны. Наша памяць моцная, – адзначыў Віталь Уткін.

Дзеці ў падрабязнасцях даведаліся трагічную гісторыю спаленай вёскі. Педагогі пастараліся зрабіць урок як мага больш цікавым. Гледачоў чакалі інтэрактыўныя заданні і творчы нумар, які асабліва ўразіў прысутных: пяцікласніца Анастасія Браім дэкламавала верш пра вайну так, што тыя, хто сядзеў у зале, здавалася, баяліся паварушыцца.

– Часта з сям'ёй наведваю месцы, цесна звязаныя з гісторыяй Беларусі. Мяне заўсёды вельмі кранае ваенная тэматыка, – падзялілася адзінаццацікласніца Ульяна Грамыка. – Веру: тое, што не забываеш, не паўторыцца. Не хацелася б, каб такое зноў адбылося на нашай зямлі.

Дзевяцікласнік Максім Бічукоў ужо бываў у мемарыяльным комплексе "Ала". Юнака моцна ўразілі званы, якія сімвалізуюць колькасць вёсак, жыхары якіх былі спалены там шмат гадоў таму.

Гледзячы на твары рабят, якія сядзелі на ўроку, узнікала адчуванне, што адсюль ніхто не выйдзе ранейшым.