Перад пачаткам пасяджэння аблвыканкама губернатар Іван Крупко ўручыў узнагароды пераможцам штогадовага агляду-конкурсу на лепшую арганізацыю работы па ахове працы ў арганізацыях Гомельскай вобласці. 

Пераможцам сярод арганізацый прамысловасці стала ААТ "Мазырсоль", сярод арганізацый паліўна-энергетычнага комплексу - "Жыткавічыгаз", сярод будаўнічых і транспартных арганізацый – ААТ "Гомельрэмбуд".

Сярод арганізацый лясной гаспадаркі і дрэваапрацоўкі лідэрам прызнаны Петрыкаўскі лясгас, сярод сельскагаспадарчых арганізацый — ААТ "Зорка" Чачэрскага раёна, сярод арганізацый гандлю, паслуг і ЖКГ — прадпрыемства "Светач" Светлагорскага раёна.

У ліку лепшых устаноў адукацыі – сярэдняя школа № 2 гарпасёлка Акцябрскі, сярод устаноў культуры і мастацтва – Калінкавіцкая дзіцячая музычная школа мастацтваў, сярод устаноў сацабслугоўвання – ТЦСАН Буда-Кашалёўскага раёна, сярод устаноў аховы здароўя – Рагачоўская станцыя пералівання крыві.