Моладзі заўсёды неабходна праўда: сваімі ўражаннямі пра фестываль «Славянскае адзінства» з журналістамі падзяліўся старшыня Гомельскага аблвыканкама Іван Крупко

– Мы ўсе разумеем, што ў нас ёсць свая культура, свая гісторыя. Нам ёсць што абараняць і ёсць каму перадаць – нашай моладзі – тыя каштоўнасці, традыцыі, якія абаранялі нашы дзяды і прадзеды, – адзначыў старшыня Гомельскага аблвыканкама Іван Крупко.

Губернатар расказаў, што моладзь падзялілася ўражаннямі пра лагер дружбы: разам дзяўчаты і юнакі далучыліся не толькі да культурных і спартыўных мерапрыемстваў, але і наведалі мемарыялы:

– Думаю, што для моладзі заўсёды была важнай праўда. На мемарыялах удзельнікі лагера азнаёміліся з гісторыяй, як дзяды і прадзеды абаранялі нашу Радзіму ў гады Вялікай Айчыннай вайны, як аднаўлялі краіну, як мы шануем іх памяць. Сёння ёсць магчымасць данесці праўду і разабрацца, што адбываецца ў гэтым турбулентным свеце, як застацца славянскім брацтвам на стагоддзі.