Назіральнік Яўгеній Клемезь пабываў у акруговай і раённай выбарчых камісіях у Гомельскім райвыканкаме і даў аб'ектыўную ацэнку іх работы.

У Гомельскім раённым выканаўчым камітэце поўным ходам ідзе падрыхтоўка да правядзення 25 лютага адзінага дня галасавання, тут працуюць акруговая і раённая выбарчыя камісіі. 

Яўгеній Клемезь дэталёва азнаёміўся з іх дзейнасцю, задаў пытанні, якія цікавяць яго, пытанні па арганізацыі выбараў, фінансаванні, прадастаўленні грамадзянам даведачнай інфармацыі, размеркаваннем эфірнага часу паміж кандыдатамі.

Пасля наведвання пяці розных камісій у Гомелі назіральнік Яўгеній Клемезь пераканаўся ў адным: яму паўсюль гатовы даць любыя звесткі, члены камісій цалкам адкрыты для зносін. Зразумела, гэты факт будзе адлюстраваны ў справаздачы. Яўгеній Клемезь вывучыў таксама інфармацыйнае поле ў горадзе і вобласці, якое сфарміравалася вакол тэмы выбараў, адзначыўшы для сябе актыўную работу органаў выканаўчай улады і СМІ. Уцягнутасць грамадзян у выбарчы працэс адчуваецца ўжо цяпер, яўка абяцае быць высокай.

Размаўляючы з журналістамі, Яўгеній Клемезь закрануў і тэму бяспекі. Як запэўнілі яго прадстаўнікі ўлады, патэнцыйныя пагрозы ім добра вядомы, пры неабходнасці яны гатовы аператыўна адрэагіраваць на кожны выклік.