Мінадукацыі ўнесла змяненні ў школьныя дзённікі

У школьныя дзённікі ўнесены змяненні. Гэта прадугледжана пастановай Міністэрства адукацыі ад 29 верасня 2023 года нумар 314, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Дакументам зменены знешні выгляд адваротнага боку вокладкі дзённіка. Акрамя таго, фармулёўка "Подпіс законных прадстаўнікоў" заменена словамі "Подпіс бацькоў".

Пастанова ўступае ў сілу з 1 верасня 2024 года.