Мінадукацыі: мерапрыемствамі акцыі "Нашы дзеці" ахоплена больш за 1 млн дзяцей

Мерапрыемствамі акцыі "Нашы дзеці" ахоплена больш за 1 млн дзяцей. Аб гэтым журналістам паведаміла галоўны спецыяліст упраўлення сацыяльнай, выхаваўчай і ідэалагічнай работы Міністэрства адукацыі Рэспублікі Беларусь Алена Вайцяховіч, перадае карэспандэнт БЕЛТА.

"Мерапрыемствамі акцыі ахоплена больш за 1 млн дзяцей. Усяго, паводле папярэдніх ацэнак, установам, арганізацыям, сем'ям, якія выхоўваюць дзяцей, аказана матэрыяльная дапамога, перададзена абсталяванне і падарункі на суму больш за Br8 млн, гэта бюджэтныя і пазабюджэтныя сродкі", - расказала Алена Вайцяховіч.

Яна адзначыла, што ў святочныя дні акцыі "Нашы дзеці" адбываліся сапраўды чароўныя гісторыі. "Калі дзеці, якія маюць патрэбу ў клопаце і сямейным асяроддзі, знайшлі свае сем'і ў выглядзе ўсынавіцеляў і прыёмных бацькоў. Яны сустракалі навагоднія святы ўжо ў сямейнай абстаноўцы", - дадала галоўны спецыяліст.