Штогод кожны трэці чацвер лістапада праводзіцца Дзень некурэння.

– Барацьба з курэннем – неабходная ўмова паляпшэння здароўя насельніцтва, бо курцы губляюць каля 18 гадоў патэнцыйнага жыцця, – адзначыла ўрач па медыцынскай прафілактыцы абласнога цэнтра гігіены, эпідэміялогіі і грамадскага здароўя Святлана Загорцава. – Насамрэч, кідаць курыць ніколі не позна і па сілах кожнаму. Патэнцыйная карысць для здароўя адназначна варта таго, каб перацярпець дыскамфорт, які вы будзеце адчуваць першыя часы. Курэнне – гэта не выбар чалавека, гэта хімічныя рэчывы, якія робяць вас залежным і паступова руйнуюць ваш арганізм.

Для кансультавання па пытаннях прафілактыкі тытунекурэння тэлефануйце:

З 15 па 17 лістапада з 9.00 да 11.00 у абласны клінічны анкалагічны дыспансер па тэлефоне 8 (0232) 20-48-10;

15 лістапада з 9.00 да 12.00 па тэлефоне 8 (0232) 34-01-66 і 17 лістапада з 9.00 да 12.00 па тэлефоне 8 (0232) 53-34-34 у абласны наркалагічны дыспансер;

З 15 па 17 лістапада з 9.00 да 10.00 па тэлефоне 8 (0232) 33-57-24 у абласны цэнтр гігіены, эпідэміялогіі і грамадскага здароўя.