Грамадства
Мёд, вывучаны пад мікраскопам: Палескі радыяцыйна-экалагічны запаведнік запрашае турыстаў на пчальнікі
02.05.2024
Брагінскі ўчастак Палескага радыяцыйна-экалагічнага запаведніка наведаў старшыня аблвыканкама Іван Крупко.
У апошнія гады тут развіваюць новы турыстычны кірунак – пчалярства. Цяпер на пчальніку «Глухавічы» больш за сорак пчоласем'яў, а госці могуць вывучыць працэс стварэння мёда на ўсіх этапах.
На тэрыторыі эксперыментальна-гаспадарчай зоны ўвесь час павялічваюць колькасць палёў пад меданосы і паступова нарошчваюць аб'ёмы вытворчасці мёда. Уся прадукцыя праходзіць неабходную сертыфікацыю.
