Кадравы дзень у аблвыканкаме: у рэгіянальным камітэце сацаховы – новы намеснік старшыні

Намеснікам старшыні камітэта па працы, занятасці і сацыяльнай ахове аблвыканкама стане Галіна Мароз. У сістэме працуе з 1995 года, у апошнія гады – начальнікам упраўлення сацыяльнай падтрымкі.

Падоўжаны таксама кантракты з дырэктарам філіяла «Капаткевіцкая перасоўная механізаваная калона 67» РУП «Калінкавічыводбуд» Петрыкаўскага раёна Аляксандрам Герасіменкам, начальнікам упраўлення землеўпарадкавання гарвыканкама Аляксандрам Блатуном, дырэктарам філіяла «Белдзяржстрах» па Гомельскай вобласці Аляксандрам Шульгіным, дырэктарам РУП «Гомельскае агенцтва па дзяржаўнай рэгістрацыі і зямельным кадастры» Аляксандрам Заразакам.

Новы кантракт заключаны з дырэктарам ААТ «Рагачоўскі завод «Дыяпраектар» Генадзем Філіпавым.