Больш за семдзесят юбілейных знакаў "80 год вызвалення Гомельскай вобласці ад нямецка-фашысцкіх захопнікаў" уручыў у Дзень Перамогі старшыня аблвыканкама Іван Крупко.

Узнагароды ўдастоены жыхары Гомельшчыны, якія ўнеслі значны ўклад у развіццё рэгіёна, абарону краіны і патрыятычнае выхаванне моладзі.

«Амаль 80 год на нашай зямлі мір. Як ніколі крохкі, асабліва калі памятаць урокі гісторыі і яе герояў. Калі памятаць, што героем чалавека робіць не бронза на яго помніку, а самаахвярнасць і аднойчы цяжкі выбар», – падкрэсліў губернатар.

У ліку ўзнагароджаных творчая група рэдакцыі газеты "Гомельская праўда", якая працавала над кнігай "Гомельшчына гераічная", – Вячаслаў Мінкоў і Алена Скорына.

Кіраўнік рэгіёна адзначыў, што гераічнае мінулае знаходзіць дастойны працяг у сучаснасці, і ў гэтым заслуга сапраўдных патрыётаў і актыўных жыхароў вобласці, якіх адрознівае адданасць і любоў да роднай зямлі.