Старшыні аблвыканкама расказалі пра новаўвядзенні, якія з'явіліся ва ўстанове за кошт сродкаў рэгіянальнага бюджэту і спонсарскай падтрымкі прадпрыемстваў і арганізацый. За дапамогу жыхарам рэгіёна з інваліднасцю выхаванцы цэнтра ўручылі губернатару Івану Крупко сімвалічны ключ ад сваіх сэрцаў.

На ўваходзе ў цэнтр усталявалі інтэрактыўны экран з галасавым памочнікам, які дапамагае даведацца, як людзі з абмежаванымі магчымасцямі могуць далучыцца да заняткаў па напрамках. Акрамя таго, у кожнага памяшкання зараз ёсць мнемасхемы, дапоўненыя шрыфтам Брайля.

Плануецца, што за лета паблізу з цэнтрам абсталююць інклюзіўную пляцоўку, дзе спортам змогуць займацца ў тым ліку людзі з інваліднасцю.

Марыя Букатава прыйшла з сынам Канстанцінам на заняткі па плаванні ў цэнтр па паралімпійскіх і дэфлімпійскіх відах спорту, калі дзіцяці было чатыры месяцы. Цяпер яму тры гады, хлопчык праплывае 12 метраў на спіне і жываце. Пасля мадэрнізацыі дзіцячага басейна займацца стала камфортней, адзначыла мама:

– Займаемся два разы на тыдзень, ні разу не прапускалі заняткі. Мы ў захапленні ад трэнера, з першых дзён яна навучыла тэхніцы і не баяцца вады. Гэта выдатная загартоўка для арганізма, усім рэкамендую. Пасля рамонту басейн стаў камфортней: ёсць падлогі з падагрэвам, дзеці не мерзнуць у любую пару года. Стала больш цацак, раздзявалакі і душавыя цяпер зручней.

Інструктар Марыя Сафронава падзялілася, што дзіцячая чаша басейна занятая і днём, і ўвечары. Заняцца спортам тут можа кожны жадаючы.