Год якасці, пра які неаднаразова згадваў у сваіх выступленнях кіраўнік дзяржавы, стаў лейтматывам сустрэчы.

Паводле слоў міністра, Беларуская мясамалочная прадукцыя карыстаецца вялікім попытам не толькі на ўнутраным рынку, але і ва ўсіх кутках свету. Каб захаваць гэты статус, трэба і ў далейшым развівацца. Сёння Беларусь цалкам забяспечана мясам, прадукцыі вырабляецца на 25–27 працэнтаў больш, чым мы можам спажыць, але рынак адкрыты, ёсць куды расці, над чым працаваць. 

«Год якасці з'яўляецца прыярытэтам. Для таго каб мець добрую эканоміку неабходна вырабляць якасную прадукцыю. Але варта разумець, што якасць павінна быць ва ўсім – пачынаючы ад вытворчасці і заканчваючы сацыяльнымі гарантыямі, якія атрымліваюць жыхары нашай краіны: медыцына, адукацыя, аказанне паслуг і іншае», – адзначыў Сяргей Барташ.

Гаворачы аб значнасці сустрэч, якія праводзяцца з калектывамі прадпрыемстваў, міністр падкрэсліў важнасць прамога кантакту з кіраўнікамі ўсіх узроўняў, магчымасць абмеркаваць любое хвалюючае пытанне, а з боку кіраўніцтва – данесці актуальную інфармацыю.

Дырэктар прадпрыемства Алена Лобах пазнаёміла госця з выставачнай экспазіцыяй, на якой быў прадстаўлены шырокі асартымент выпускаемай прадукцыі, расказала пра перспектывы развіцця вытворчасці, нарошчванні экспарта. 

Па словах кіраўніка, фактычная загрузка складае 70%, камбінат працуе ў адназменным рэжыме. Ёсць гатоўнасць перайсці на двусменный рэжым, для чаго трэба развіваць сваю сыравінную зону. Па экспартнай лініі ў цяперашні час выстройваюцца адносіны з Узбекістанам, Казахстанам, Кітаем, Арменіяй, Грузіяй. 

«Самае галоўнае – быць мабільнымі, умець перабудоўвацца пад рынак, прапаноўваць той прадукт, які купляюць. Менавіта таму мы праводзім падрабязны аналіз рынку і стараемся радаваць пакупнікоў нашымі навінкамі: распрацавана шырокая лінейка фаршу, каўбас, паўфабрыкатаў для запякання ў розных марынадах, ёсць дыетычная прадукцыя, якую дастаткова толькі разагрэць, яе па вартасці ацэняць прыхільнікі правільнага харчавання», – адзначыла Алена Лобах.