Традыцыйны навагодні абласны баль сёлета правялі ў грамадска-культурным цэнтры. 

У бальнай карце – тры танцы: паланэз, полька, вальс. Пары ў гэтым годзе, а іх было 35 – танцавалі пад суправаджэнне камернага аркестра абласной філармоніі. Вядома, дамы і кавалеры старанна рыхтаваліся да ўрачыстасці: падбіралі ўбранне, планіравалі макіяж і прычоскі, рэпеціравалі. 

Пара з гомельскай гімназіі № 46 імя Блеза Паскаля – Вікторыя Верацельная і Ілля Андрыенка – прызналіся, што кастынг было прайсці няпроста, але ім гэта ўдалося, чаму рабяты вельмі рады. Развучвалі танцы цэлы тыдзень, кожны дзень на трэніроўкі было адведзена па тры-чатыры гадзіны:

– Затое цяпер гатовая праграма на выпускны, будзем танцаваць разам. Сёння вельмі адказны дзень. Пагрузіцца ў гэтую эпоху і адчуць усю веліч балю проста немагчыма.

 

Баль сумясцілі з уручэннем прэмій абласнога выканаўчага камітэта. З рук старшыні аблвыканкама пасведчанні атрымалі 50 навучэнцаў школ, гімназій, ліцэяў і каледжаў, якія дасягнулі высокіх вынікаў у вучобе, творчасці, грамадскім жыцці. 

– Рады вітаць творчую і інтэлектуальную эліту, маладых людзей, якія зарэкамендавалі сябе поспехамі, перамогамі, высокімі вынікамі, крэатыўнымі ідэямі і ініцыятывамі. Пачуццё гонару перапаўняе кожнага жыхара вобласці за дасягненні школьнікаў і іх педагогаў. Абласны навагодні баль – падарунак за вашу стараннасць, працавітасць, выдатную вучобу. На вас ускладаюцца вялікія надзеі. Жадаю, каб імкненне да перамогі назаўжды замацавалася ў вашых розумах і сэрцах. Поспехаў, здароўя, энергіі і дасягнення пастаўленых мэтаў у імя працвітання Гомельшчыны і нашай любімай Беларусі, – павіншаваў лаўрэатаў Іван Крупко. 

Адзінаццацікласнік Дабрынскай сярэдняй школы Ельскага раёна Іван Левчышын – адзін з лаўрэатаў прэміі. Школьнік прызнаўся, што быў рады і шакіраваны, калі даведаўся пра ўзнагароду. Ён пераможца трэцяга этапу рэспубліканскай алімпіяды па грамадазнаўстве, пераможца рэспубліканскай алімпіяды па фінансавай граматнасці:

– У будучыні планую паступіць на IT-спецыяльнасць, з грамадазнаўствам жыццё звязваць не планую, але ў жыцці гэтая дысцыпліна вельмі спатрэбіцца.

У адказ маладыя людзі рэгіёна падзякавалі кіраўніку вобласці за падтрымку і павіншавалі з надыходзячым Новым годам:

– Жадаем вам, каб у будучым годзе вы дасягнулі самых незабыўных вышынь у вашых губернатарскіх справах. А мы, моладзь, заўсёды будзем побач.