На пляцоўцы каля галоўнага корпуса ВНУ на час з'явілася галачка ў чырвона-зялёных танах. Гэта першакурснікі з паветранымі шарыкамі ў руках выстраіліся ў рамках акцыі "ГомГМУ ідзе на выбары".

Так юнакі і дзяўчаты разам з кіраўніцтвам універсітэта нагадваюць пра неабходнасць прыняць удзел у адзіным дні галасавання.

– Агітацыйныя мерапрыемствы – важная частка выбараў, а ад іх залежыць жыццё кожнага грамадзяніна паасобку і краіны ў цэлым. Таму неабходна прыцягваць як мага больш людзей, – адзначыла ўдзельніца флэшмоба Ганна Хадановіч. – Мне яшчэ 17, сама галасаваць не магу, але ведаю, што многія паўналетнія вельмі адказна да гэтага ставяцца.

Сярод іх – студэнтка медвуза Аліса Саковіч. Па словах дзяўчыны, важна не проста прыняць удзел, а зрабіць гэта свядома, загадзя вывучыўшы звесткі пра кандыдатаў. Аліса родам з Калінкавіцкага раёна, нядаўна заходзіла ў сваю школу, дзе на стэндах размешчана інфармацыя пра кандыдатаў у дэпутаты. Знайсці дадзеныя можна і ў інтэрнэце, што, на думку Аліны, вельмі зручна.

Эстафету да адзінага дня галасавання прымуць і іншыя ВНУ абласнога цэнтра.