«Кібербяспека і прафілактыка кіберзлачыннасці» — тэма сустрэчы, якую ў межах адзінага дня інфармавання намеснік старшыні аблвыканкама Дзмітрый Алейнікаў правёў з калектывам Петрыкаўскай дзіцячай школы мастацтваў, паведамляе раённая газета "Петрыкаўскія навіны".

— Як зазначыў Прэзідэнт Рэспублікі Беларусь Аляксандр Лукашэнка, «абсалютную абарону ад кібератак не гарантуе ніводная сістэма абароны, але мы павінны мінімізаваць рызыкі», — пазначыў у час сустрэчы намеснік старшыні аблвыканкама і дадаў: — Гэтага можна дасягнуць, калі кожны ўдзельнік інфармацыйных адносін, кожная арганізацыя будуць адказна падыходзіць да выканання патрабаванняў па кібербяспецы, а кожны чалавек праявіць пільнасць і ўважлівасць у выпадку сітуацыі з ашуканцамі.