Дзяржмузеі 9 Мая можна будзе наведаць бясплатна

Дзяржаўныя музеі 9 Мая можна будзе наведаць бясплатна, паведамляе БЕЛТА са спасылкай на прэс-службу Міністэрства культуры.

У гэты дзень пройдзе рэспубліканскае культурна-патрыятычнае мерапрыемства "Ніхто не забыты, нішто не забыта". Наведаць бясплатна можна будзе пастаянныя і часовыя экспазіцыі (за выключэннем камерцыйных выстаў). Бясплатным будзе і экскурсійнае суправаджэнне.

Арганізатарамі мерапрыемства выступаюць Міністэрства культуры, аблвыканкамы і Мінгарвыканкам.