Установа аховы здароўя размясцілася на першым паверсе шматкватэрнага дома па вуліцы Вінаграднай, 14, абластнога цэнтра. Такі падарунак гараджанам зрабілі да Дня вызвалення Гомеля ад нямецка-фашысцкіх захопнікаў. 

Аддзяленне аснасцілі абсталяваннем апошняга пакалення. Маленькія пацыенты і іх бацькі з мікрараёна Новае жыццё змогуць атрымаць высокакваліфікаваную дапамогу: тут кабінеты ўчастковых урачоў-педыятраў, дэфектолага, псіхолага, працэдурны і фізіятэрапеўтычны, функцыянальнай і ультрагукавой дыягнастыкі, фільтр-бокс, клініка-дыягнастычная лабараторыя.

Абслугоўваць медыкі будуць каля трох тысяч пацыентаў з абласнога цэнтра і Гомельскага раёна. Для зручнасці працуе сістэма "Электронная рэгістратура". Абсталявана так званая чырвоная зона, забяспечана безбар'ернае асяроддзе. Разлічана аддзяленне на 80 наведванняў у дзень, першыя прыёмы пачаліся адразу пасля адкрыцця.

Старшыня аблвыканкама Іван Крупко падкрэсліў, што цяпер радыус абслугоўвання юных пацыентаў Гомельскага раёна скароціцца з 19 да 9 кіламетраў.

- Ад правільнага, чулага стаўлення да дзіцячага здароўя залежыць будучыня ўсёй краіны. Адсюль такая ўвага развіццю матэрыяльна-тэхнічнай базы. За апошнія два гады з'явіліся педыятрычныя аддзяленні ў Добрушы і ў 104-м мікра-раёне Гомеля, радзільны дом у Петрыкаве, цэнтр ранняга ўмяшання на базе абласнога дома дзіцяці для дзяцей з асаблівасцямі, кабінет катамнезу ў Гомелі. У бліжэйшых планах - будаўніцтва паліклінікі ў Навабеліцкім раёне абласнога цэнтра.Усяго сёлета на мадэрнізацыю, рамонт і абсталяванне абсталяваннем медыцынскай галіны прадугледжана больш за 91 мільён рублёў.

- На апошняй нарадзе ў кіраўніка дзяржавы ўзнімалася пытанне даступнасці і якасці аказання медыцынскай дапамогі першаснага звяна для кожнага жыхара, - абазначыў важнасць новага аб'екта міністр аховы здароўя Дзмітрый Піневіч. - Гэта тое, да чаго мы імкнемся - да аналогіі сямейнага доктара, якім і з'яўляецца пе-дыятр, ён знаходзіцца побач з сям'ёй. 

Зараз тры ўрачы-педыятры, але могуць працаваць да дзевяці, таму жадаю, каб дзяцей у нашай краіне было больш.

Міністр перадаў медыцынскім установам Гомеля і вобласці яшчэ адзін падарунак - трынаццаць новых аўтамабіляў хуткай медыцынскай дапамогі. Ключы ад двух паў-чыл галоўдоктар абласной клінічнай лякарні Ўладзімір Бугакоў, астатнія - гарадзкая аўтабаза арганізацый аховы здароўя.

Па суседстве з педыятрычным аддзяленнем размясцілася новая аптэка дзяржаўнай сеткі «Фармацыя».

Пасля ўрачыстай цырымоніі Дзмітрый Піневіч разам з кіраўніцтвам вобласці і горада ўсклаў вянкі і кветкі да Вечнага агню на плошчы Працы ў Гомелі.