Мікрааўтобус МАЗ на 16 месцаў перадаў старшыня аблвыканкама Іван Крупко абласному Цэнтру інклюзіўнай культуры.

Такі транспарт творчаму калектыву быў патрэбны даўно: выхаванцы змогуць папулярызаваць інклюзіўную культуру, пашыраць геаграфію інклюзіі, умацоўваць узаемадзеянне з раённымі цэнтрамі.

– Упэўнены, што гэты аўтобус дапаможа развіваць вашы здольнасці і выступаць на самых розных пляцоўках, – падкрэсліў Іван Крупко.

Падарожжы і выступленні ў іншых гарадах – гэта магчымасць для дзяцей з асаблівасцямі знайсці новых сяброў і аднадумцаў, праявіць свае здольнасці і заявіць пра сябе яшчэ гучней.

Важна, што новы аўтобус губернатар уручыў напярэдадні Міжнароднага дня абароны дзяцей – такому падарунку непамерна рады, бо хлопчыкі і дзяўчынкі даўно прасілі сродак перамяшчэння, каб выступаць не толькі ў горадзе, але і за яго межамі.

МАЗ набылі за кошт дабрачынных сродкаў, сабраных абласным Чырвоным Крыжом. У мікрааўтобусе прадугледжана ўсё, каб перавозіць людзей з інваліднасцю.