Падчас дыялогу з Іванам Крупко было адзначана, што сям'я ў Беларусі абвяшчаецца прыярытэтам на ўзроўні дзяржавы. 

Беларусы пазітыўна расцэньваюць бацькоўства, а галоўнымі каштоўнасцямі для сябе называюць бацькоў і дзяцей, блізкіх. Расце колькасць шматдзетных сем'яў. Нямала на Гомельшчыне працоўных дынастый, што таксама пацвярджае эфектыўнасць дзяржаўнай палітыкі. 

Гаварылі з работнікамі ЦКК і пра прамысловую кааперацыю, экспартны патэнцыял Гомельшчыны, здаровы лад жыцця. 

Работнікі камбіната падзякавалі губернатару за развіццё спартыўнай інфраструктуры ў Светлагорскім раёне і звярнулі ўвагу на неабходнасць рамонту басейна. Кіраўнік рэгіёна адзначыў, што пытанне прапрацоўваецца, яму будзе нададзена асаблівая ўвага.