Афіцыйная частка праграмы фестывалю «Славянскае адзінства» стартавала ў аблвыканкаме з сустрэчы губернатараў Гомельскай і Бранскай абласцей Івана Крупко і Аляксандра Багамаза

– Традыцыі ўмацавання дружбы і яднання славянскіх народаў, захавання нашых культуры і каштоўнасцяў сыходзяць глыбока ў гісторыю. Сёння мы бачым, што сэнс, актуальнасць і значнасць фестывалю ўсё больш узрастае, асабліва для маладога пакалення. Наша задача захаваць, перадаць моладзі і падрастаючаму пакаленню гістарычную праўду, сапраўдныя славянскія каштоўнасці, культуру і традыцыі, выхаваць патрыётаў у імя міру на нашай славянскай зямлі, – падкрэсліў Іван Крупко.

Супрацоўніцтва з расійскімі рэгіёнамі, а асабліва з рэгіёнам-партнёрам – Бранскай вобласцю з'яўляецца адным з прыярытэтных напрамкаў у сферы міжрэгіянальнага ўзаемадзеяння Гомельскай вобласці, адзначыў кіраўнік беларускага рэгіёна. Для ўмацавання партнёрства дзвюх абласцей Іван Крупко запрасіў бранскую дэлегацыю на эканамічны форум, які пройдзе ў горадзе над Сожам 18–19 верасня.

Аляксандр Багамаз адзначыў, што прысвечаны 80-годдзю Вялікай Перамогі фестываль з'яўляецца сімвалам непарушнай дружбы і адзінства нашых брацкіх народаў:

– Цана нашай агульнай Вялікай Перамогі вельмі высокая, але мы атрымалі яе і перамаглі, таму што былі адзіныя. Інакш і быць не магло. Актуальнасць і значнасць фестывалю з кожным годам расце, і наша галоўная задача — выхаванне падрастаючага пакалення, моладзі. Мы павінны зрабіць усё, каб захаваць гістарычную праўду, сапраўдныя славянскія каштоўнасці, культуру і традыцыі, выхаваць сапраўдных патрыётаў.

Удзел у сустрэчы прынялі член Савета Рэспублікі, старшыня абласнога Савета дэпутатаў Кацярына Зянкевіч і старшыня Бранскай абласной думы Валянцін Суббот.