Сітуацыю з пажарамі ў прыродных экасістэмах старшыня аблвыканкама Іван Крупко і памочнік Прэзідэнта – інспектар па Гомельскай вобласці Руслан Пархамовіч абмеркавалі з ратавальнікамі ў абласным цэнтры аператыўнага кіравання. 

Кругласутачная служба МНС прымае, абагульняе інфармацыю аб надзвычайных сітуацыях на Гомельшчыне, затым накіроўвае яе ў вышэйстаячыя органы.

Сёння ніводнага падобнага ўзгарання не зафіксавана, далажылі спецыялісты цэнтра. Аднак сёлета ў прыродных экасістэмах пажараў адбылося больш, чым за аналагічны перыяд 2024-га. Такая сітуацыя назіраецца па ўсёй краіне. Ратавальнікі аператыўна рэагуюць, уключаючы сігналы з памежных тэрыторый.

– Нясуць страты жылыя дамы і дачныя пабудовы. І што самае страшнае – гінуць людзі. Таму на ўзроўні раёнаў павінна быць праведзена сур'ёзная прафілактычная работа з насельніцтвам, – канстатаваў Іван Крупко.