Раней ён быў адным з заснавальнікаў фірмы, якая займалася пакупкай і перавозкай тавараў з Украіны ў Беларусь. Фірма як юрыдычная асоба аформіла крэдыт у банку на 250 тысяч рублёў, паручыцелямі выступіў Аляксей Валер'евіч, дырэктар фірмы і яшчэ адзін супрацоўнік. Аднак падчас транспарціроўкі груз быў затрыманы мытнымі органамі, арыштаваны, канфіскаваны, а сродкі ад яго продажу накіраваны ў бюджэт. Неўзабаве фірма была ліквідаваная. Цяпер банк патрабуе з паручыцеляў вяртання грошай, але, па словах заяўніка, аплату ўносіць толькі ён і іншы заснавальнік, а дырэктар не плаціць ні капейкі.

– Я палічыў: з улікам таго, што працую вадзіцелем на 0,25 стаўкі і выплачваю па 70 рублёў у месяц, на пагашэнне доўгу сыдзе каля 54 гадоў. Атрымліваецца, змагу разлічыцца толькі ў 90 гадоў, – наракаў заяўнік. – Ад доўгу не адмаўляюся, гатовы яго пагашаць, але нароўні з астатнімі. Асабліва мяне цікавіць, што робіць галоўны дырэктар для пакрыцця крэдыту. Хацелася б, каб мы неслі роўную адказнасць.

Прадстаўнікі банка патлумачылі: дырэктар фірмы быў узяты пад варту, але ўжо вызвалены. Ён таксама, як і астатнія паручыцелі, павінен выплачваць даўгі, аднак у дадзены момант нідзе не працуе, маёмасці ва ўласнасці няма. Банк не мае паўнамоцтваў прымусіць яго ўладкавацца на працу. Заяўнік мае права падаць у суд на іншых паручыцеляў і патрабаваць ужо з іх кампенсацыі часткі сумы.

Як адзначыў намеснік старшыні аблвыканкама, па дакументах заснавальнікі фірмы выступілі даручальнікамі і нясуць салідарную адказнасць за пагашэнне доўгу па крэдыце. Існуе чарговасць па выплатах: у дадзеным выпадку банк у ёй сёмы (да яго іншыя крэдыторы, у тым ліку падатковыя органы). Раней прамаўчаніну прапаноўвалі працаўладкаванне на прадпрыемстве з высокім заробкам, каб выплата доўгу не надта моцна адбівалася на сямейным бюджэце, але мужчына пакуль не даў згоды. Аргументаваў тым, што ў такім выпадку яму давядзецца ўносіць большыя сумы, чым астатнім паручыцелям, а гэта несправядліва.

Андрэй Канюшка рэкамендаваў бакам – заяўніку і банку – яшчэ раз дэталёва абмеркаваць гэтую тэму, па магчымасці запрасіць усіх паручыцеляў, і вызначыцца з сумай, якую было б дарэчы выплачваць. Рэчычаніну прапанавана яшчэ раз падумаць аб варыянце больш выгаднага працаўладкавання.