Аўтобус № 59 будзе курсіраваць па аўторках, пятніцах і нядзелях.

Адпраўленне ад аўтавакзала ў 17.20, прыбыццё ў аэрапорт у 17.59. У зваротным напрамку – у гэтыя ж дні ў 19.35 (прыбыццё на аўтавакзал у 19.59).

Запуск маршруту супадае з доўгачаканай падзеяй: з 29 кастрычніка "Белавія" адкрывае прамыя рэйсы ў Маскву з Гомеля і назад. Дарога будзе займаць паўтары гадзіны. Ужо забраніравана больш за 1100 месцаў у абодва бакі, а на першы рэйс выкуплена звыш 70 працэнтаў білетаў.

Як расказаў начальнік Гомельскага філіяла дзяржпрадпрыемства «Белаэранавігацыя» Уладзімір Чаравухін, дадзены кірунак ужо вельмі папулярны: з прычыны павялічанага попыту на рэйсы 7 лістапада авіякампанія замяніла самалёты Embraer-175 на лайнеры большай умяшчальнасці.