Кандыдатаў на пасады ў розных галінах узгадніў старшыня аблвыканкама Іван Крупко.

Галоўным санітарным урачом Гомельскай вобласці стане Сяргей Краўчанка. Да гэтага ён займаў розныя пасады ў цэнтрах гігіены і эпідэміялогіі Мазырскага, Хойніцкага, Гомельскага раёнаў, у абласным цэнтры гігіены, эпідэміялогіі і грамадскага здароўя. З 2019 года працаваў галоўным санітарным урачом Мазырскага раёна.

На пасаду галоўнага санітарнага ўрача Мазырскага раёна ўзгоднены Сяргей Талецкі. Працоўную дзейнасць пачынаў урачом у абласным цэнтры гігіены, з 2009 года – у Петрыкаўскім раённым цэнтры гігіены, які ўзначальваў апошнія гады.

Аляксандр Дзедзік будзе дырэктарам спецыялізаванай дзіцяча-юнацкай школы алімпійскага рэзерву № 3 па шахматах. Да гэтага працаваў метадыстам, настаўнікам фізічнай культуры, на іншых пасадах у сферы спорту і турызму.

Падоўжаны таксама кантракты з начальнікам упраўлення землеўпарадкавання Рэчыцкага райвыканкама Уладзімірам Ракевічам, дырэктарам прадпрыемства "Жлобінскі зааветснаб" Камалай Мяньковай, дырэктарам ААТ "Хойніцкі завод гідраапаратуры" Васіліем Смальцарам.