Старшыня аблвыканкама Іван Крупко таксама акцэнтаваў увагу на скарачэнні тэрмінаў праектных работ у будаўнічым комплексе, падрыхтоўцы тэхнікі да пасяўной, мінімізацыі наступстваў паводкі.

Паскараем тэмпы, будаўнікі

У пасёлку гарадскога тыпу Капаткевічы паводле апошняга перапісу пражываюць 3134 чалавекі, з іх больш за 1700 у працаздольным узросце, больш за 420 дзяцей. Аблвыканкамам прынята рашэнне ў бягучым годзе змяніць населены пункт, для гэтага адшукаць неабходныя рэсурсы. Чакаецца прыцягненне сродкаў раённага, абласнога, рэспубліканскага бюджэтаў. Часткова яны будуць сабраны на суботніках. Перш за ўсё плануецца сур'ёзна абнавіць вулічна-дарожную сетку, а менавіта – пад'езд да гарпасёлка з боку М10 (вуліцы Ленінская, Інтэрнацыянальная), яшчэ 10 вуліц на працягу 11 кіламетраў. Рэканструкцыя закране не толькі дарожнае пакрыццё, але і тратуары, агароджы, дваровыя тэрыторыі. У планах таксама аптымізацыя водаправодна-каналізацыйнай гаспадаркі (4,4 кіламетры), вулічнага асвятлення, цеплазабеспячэння. Акрамя гэтага – прачыстка меліярацыйных каналаў, азеляненне, устаноўка малых архітэктурных форм, разбіўка клумб.

Будуць праведзены бягучы і капітальны рамонты 15 шматкватэрных дамоў, шэрагу сацыяльных аб'ектаў. Плануецца рамонт будынка мясцовага сельвыканкама. У пра-працоўцы будаўніцтва летняга амфітэатра ў цэнтральным скверы, стадыёна з варкаўт-пляцоўкай.

Па словах старшыні аблвыканкама, гэта будзе не проста афарбоўка пары-тройкі дахаў і нанясенне разметкі на асфальце. Пасля такога абнаўлення гарпасёлка ў насельніцтва ў прынцыпе не павінна застацца пытанняў па добраўпарадкаванні, камунікацыях, вадзе, ацяпленні, сацыяльнай сферы і гэтак далей. Акрамя таго, падкрэсліў губернатар, асноўную частку работ трэба выканаць да верасня – не пазней.

Без распылення сродкаў

Абмеркавалі перадачу камбінатаў школьнага харчавання ў Гомелі і Мазыры мясцовым упраўленням адукацыі. У Гомелі з сістэмы КШХ выключаць грамадскае харчаванне, іншыя гандлёвыя кропкі, прадпрыемства будзе займацца асабліва харчаваннем дзяцей ва ўстановах адукацыі. Канчаткова пытанне вырашаць да 1 студзеня 2025 года.

У Мазыры аб'ектаў грамадскага харчавання ў КШХ няма, камбінат працуе з прыбыткам па адладжанай схеме. Наколькі лагічна яго ўключэнне ў сістэму адукацыі па аналогіі з Гомелем і ўсімі іншымі раёнамі – пытанне застаецца адкрытым. Губернатар запатрабаваў вырашыць яго ў тыднёвы тэрмін.

Чарговы раз закранулі тэму будаўніцтва басейна ў Хойніках. Прадпраектная дакументацыя гатова, але самога праекта да гэтага часу няма, хоць усе тэрміны выйшлі. Кіраўнік вобласці запатрабаваў актывізаваць праектныя работы, але без распылення бюджэтных сродкаў, паскорыць усе працэдурныя моманты і зняць пытанне.

Размова ішла і аб дарожнай абстаноўцы ў Гомелі і вобласці. Умовы надвор'я, перапады тэмператур абумовілі значнае пагаршэнне стану дарог, у тым ліку рэспубліканскіх трас і дваровых тэрыторый у гарадах. Утварэнне наледзі, кры-тычных ям, глыбокіх калей, гэтыя і іншыя негатыўныя фактары прывялі да патоку скаргаў, прычым не толькі ад аўтааматараў. Узрасла колькасць ДТЗ, выпадкаў пашкоджання аўтамабіляў. Павялічылася і колькасць прадпісанняў да дарожных службаў на ліквідаванне розных дэфектаў. У выніку прынята рашэнне арганізаваць кругласутачную работу дарожнікаў і камунальнікаў на праблемных участках.

Даручэнне губернатара:

Старшыня аблвыканкама Іван Крупко: старшыням райвыканкамаў, адказным службам – фарсіраваць падрыхтоўку тэхпарка вобласці да пасяўной кампаніі, узмацніць кантроль захоўвання сельгастэхнікі ў гаспадарках.