Ад падмурка да першых надояў. Губернатар праінспектаваў на Веткаўшчыне будаўніцтва знакавага жывёлагадоўчага аб'екта

Каля вёскі Тарасаўка на базе філіяла «Агра-Ветка» ААТ «Веткаўскі аграсэрвіс» у рамках інвестпраекта ўзводзяць зернесушыльны комплекс, два кароўнікі з даільна-малочным блокам і прафілакторыем для цялят.

– Работы яшчэ шмат, каб укласціся ў адведзеныя тэрміны, будаўнікам неабходна паскорыцца, – паставіў задачу Іван Крупко.

Як адзначыў выканаўчы дырэктар гаспадаркі Арцём Гарбачоў, тэрміны пазначаны: зернесушыльны комплекс трэба здаць да 1 верасня, увесь аб'ект да канца года. Сродкі і магчымасці ёсць – трэба толькі працаваць.