Эканомiка
Умацаванне супрацоўніцтва абмеркавалі губернатары Гомельскай і Бранскай абласцей
04.03.2024
Сустрэча Івана Крупко і Аляксандра Багамаза прайшла ва ўрадзе Бранскай вобласці.
– Гэты год павінен прынесці нам і нашым прадпрыемствам багата што, – выказаў упэўненасць кіраўнік Гомельскага рэгіёна.
На сустрэчы ў Маскве ў студзені губернатары абазначылі сумесныя планы на 2024 год, затым калегі з Бранска наведвалі Гомельшчыну ў лютым.
– Напрамкаў для супрацоўніцтва шмат, будзем іх развіваць, – не сумняваецца старшыня Гомельскага аблвыканкама.
Кіраўнік вобласці падзякаваў калегу з расійскага рэгіёна за семінар па раслінаводстве для работнікаў сельгаспрадпрыемстваў Гомельшчыны ў лютым і за экскурсію па жывёлагадоўчых аб'ектах:
– Высокія тэхналогіі, якія паказалі нам сёння, уражваюць. Гэта найвышэйшы клас. У гэтым годзе наладзім больш цеснае ўзаемадзеянне ў пытаннях сельскай гаспадаркі і падвядзем сумесныя вынікі пасля ўборкі ўраджаю.
Аляксандр Багамаз прапанову поўнасцю падтрымаў і выказаў упэўненасць, што сяброўства жыхароў двух рэгіёнаў будзе толькі мацнець.
