У Беларусі ўбралі каля 15 працэнтаў збожжавых і зернебабовых культур

У Беларусі ўбралі 14,6 працэнта збожжавых і зернебабовых культур (без кукурузы, грэчкі і проса), што складае 291 тыс. га, паведамілі БЕЛТА ў прэс-службе Мінсельгасхарча.

Тэмпы ўборкі ўзраслі. "Паводле аператыўных даных на 25 ліпеня, са збожжавых палёў рэспублікі намалочана 1220 тыс. т збожжа. Сярэдняя ўраджайнасць вышэйшая за папярэдні год на 7,8 ц/га", - расказалі ў міністэрстве.

Азімы ячмень убраны на 88,5 працэнта плошчаў. Намалочана 855 тыс. т ураджайнасцю 39,5 ц/га, што таксама вышэй за мінулагодні паказчык на 7,2 ц/га.

Азімы рапс на зерне ўбраны на 73,4 тыс. га (19 працэнтаў усёй плошчы), намалочана 154,7 тыс. т.

Выцераблена лёну на 12 тыс. га, што складае 25 працэнтаў запланаваных плошчаў. Скошана траў другога ўкосу на плошчы 717 тыс. га - 67 працэнтаў плана. Нарыхтавана сена больш за 265 тыс. т (37 працэнтаў плана), сенажу – 10 млн 360 тыс. т (74 працэнты плана), у тым ліку ў палімернай упакоўцы 273 тыс. т.