У аблвыканкаме адбылося пасяджэнне камісіі па ўключэнні ў гаспадарчы абарот маёмасці, якая не выкарыстоўваецца.

У выніку папярэдняй абароны каляндарных графікаў па ўключэнні ў гаспадарчы абарот маёмасці, якая не выкарыстоўваецца і неэфектыўна выкарыстоўваецца, на разгляд камісіі прадстаўлены пералік з 63 невыкарыстоўваемых аб'ектаў, якія ўпершыню прапануюцца ў продаж. Пералік сфарміраваны па прапановах органаў кіравання аблвыканкама і гаррайвыканкамаў, адчужэнне ўсіх прадстаўленых аб'ектаў узгоднена камісійна.

На пасяджэнні камісіі таксама заслуханы прапановы гаррайвыканкамаў па умовах адчужэння і паніжэнні цаны раней непрададзеных аб'ектаў.

У бліжэйшы час інфармацыя па ўсіх аб'ектах камунальнай уласнасці, якія не выкарыстоўваюцца і прапануюцца для продажу, а таксама плануюцца да ўцягвання іншымі спосабамі, будзе размешчана на сайтах камітэта «Гомельаблмаёмасць» і гаррайвыканкамаў.