Ураджай збожжа сёлета нядрэнны, адзначыў Аляксандр Лукашэнка, ні ў якім разе нельга дапусціць, каб кампанія праходзіла ў нядбалым рэжыме.

Аб'ектыўныя фактары, дажджы і вецер ніхто не адмяняе, але любыя рызыкі, падкрэсліў кіраўнік дзяржавы, можна і трэба мінімізіраваць. Перад АПК усіх рэгіёнаў краіны пастаўлены дакладныя задачы: забеспячэнне поўнай гатоўнасці тэхнікі, строгае выкананне працоўнай і тэхналагічнай дысцыпліны, мабілізацыя механізатарскіх кадраў, каардынацыя дзеянняў праваахоўнікаў з мясцовымі органамі ўлады, стварэнне сістэмы годнага заахвочвання працаўнікоў і шэраг іншых.

Паводле ацэнак вучоных, збожжавых на палях рэспублікі ўрадзілася прыкладна на 8–10% больш, чым у 2024-м. Рапсу трохі менш. Ва ўсіх рэгіёнах краіны чакаюцца намалоты вышэй, чым у мінулым сезоне.

У цэлым плануецца сабраць больш за 10 мільёнаў тон збожжа.

Аб ходзе ўборачнай на Гомельшчыне Прэзідэнту далажыў старшыня аблвыканкама Іван Крупко. У рэгіёне трэба будзе ўбраць збожжавыя і зернебабовыя на 459 тысячах гектараў, гэта на 40 тысяч больш, чым у 2024-м. Гатоўнасць камбайнаў – 99%, зернесушылак – 96%. У жніве плануецца задзейнічаць плюшчылкі. Аграрыі ўжо прыступілі да ўборкі рапсу. Азімы ячмень прыбраны на 93%, лён – на 16%. У вобласці таксама добра ўрадзіліся травы, першы ўкос завершаны, план па другім ўкосе выкананы на 50%.

Агульны збор збожжа з улікам кукурузы аграрыі чакаюць на ўзроўні больш як 1,4 мільёна тон.

Усе кадравыя праблемы вырашаны, падкрэсліў Іван Крупко, удзельнікі страды на працоўных месцах. Прыцягнуты дадатковыя механізатары, у тым ліку навучэнцы ссну. Задзейнічана пяць мехатрадаў.

 "Пытанняў, якія патрабуюць вырашэння на ўзроўні Прэзідэнта, у АПК Гомельшчыны няма", – рэзюмаваў губернатар.