На Гомельшчыне працягваецца сяўба азімых культур, гэтую працу трэба завяршыць да 3 кастрычніка. Тэмпы ўборкі кукурузы неабходна паскорыць, каб вызваліць плошчаў пад сяўбу.

– Задача складаная, але выканальная. Мы мабілізавалі кадры для ўборкі, задзейнічаны дадатковыя рэсурсы. І тэмпы змяншаць нельга, – даручыў губернатар кіраўнікам раёнаў. 

Да ўборкі сіласу, адвозкі саломы, перавозкі зялёнай масы і выканання іншых відаў сельскагаспадарчых работ прыцягнута 320 адзінак тэхнікі. Падключаць дадатковыя рэзервы. Дапамогу аказваюць прадпрыемствы і арганізацыі Гомеля, райцэнтраў. Іван Крупко выказаў падзяку ўсім, хто ўключыўся ў працу і падтрымаў аграрыяў. 

Патрабаванне кіраўніка рэгіёна да сельгасарганізацый – павялічваць магутнасці сваёй тэхнікі і аб'ёмы перавозкі сіласнай масы.