Гаворка ішла ў тым ліку аб аб'ектах, якія ўзводзяцца за кошт сродкаў дзяржаўных і рэгіянальных інвестпраграм.

У гэтым годзе ўжо ўведзены новыя сацыяльна значныя аб'екты ў сферы адукацыі, культуры, спорту, аховы здароўя. Гэта новыя медыцынскія кабінеты з сучасным абсталяваннем, басейн пры гімназіі ў Хойніках, стадыён у Камунараўскай сярэдняй школе Буда-Кашалёўскага раёна, мадэрнізаваныя дзіцячыя аздараўленчыя цэнтры. 

Праводзіцца бягучы і капітальны рамонты кацельняў, харчблокаў у бальніцах і сацыяльных пансіянатах, пешаходных мастоў, гульнявых залаў у спартыўных школах. Акрамя таго, распрацоўваецца праектна-каштарысная дакументацыя і праводзіцца экспертыза па аб'ектах, якія пачнуць будавацца ў 2026 годзе.

Губернатар паставіў перад будаўнікамі задачу не зацягваць з тэрмінамі распрацоўкі ПСД, каб прыступіць да ўзвядзення аб'ектаў у пачатку наступнага года. 

Удзел у нарадзе прыняў памочнік Прэзідэнта – інспектар па Гомельскай вобласці Руслан Пархамовіч.