Будоўля пачалася летам гэтага года. Праект рэалізуецца сіламі Гомельскага абласнога УКБ.

Комплекс разлічаны на 1150 галоў дойнага статка. Тут будуюць два кароўнікі, даільна-малочны блок, памяшканне для ўтрымання сухастойных кароў, прафілакторый для цялятаў, малая зала раздою. Будаўнікі таксама ўзводзяць усю спадарожную інжынерную інфраструктуру, уключаючы электралініі, зону пад'езда.

Як запэўніў генеральны дырэктар ААТ «Палессебуд» Сяргей Буглак, завяршыць увесь комплекс будаўнічых работ у «Дружба-Аўцюкі» і здаць МТК плануецца ў лістападзе 2026 года.