Эканомiка
На кантролі губернатара: Іван Крупко ацаніў ход будаўніцтва комплексу па абыходжанні з ЦКА
05.02.2025
Старшыня аблвыканкама Іван Крупко ацаніў ход будаўніцтва комплексу па абыходжанні з ЦКА пад Гомелем.
Узвядзенне аб'екта стартавала ў 2023 годзе, у 2024-м будаўнікі пачалі асноўныя віды работ. Здача аб'екта запланавана на 2026 год.
Кіраўнік рэгіёна запатрабаваў скласці штотыднёвы план работ з мэтай паскарэння тэмпаў будоўлі:
– Па магчымасці неабходна скараціць тэрміны ўводу комплексу ў эксплуатацыю.
Комплекс па абыходжанні з цвёрдымі камунальнымі адходамі закрые патрэбнасці ў перапрацоўцы смецця з абласнога цэнтра і суседніх раёнаў: Гомельскага, Веткаўскага, Лоеўскага, Добрушскага, Чачэрскага і Рэчыцкага.
Плануецца, што павялічыцца працэнт здабывання другасных матэрыяльных рэсурсаў. Ступень выкарыстання адходаў на комплексе складзе каля 65 працэнтаў замест сённяшніх 34 працэнтаў.
Неабходнае абсталяванне ўжо закуплена, тут будуць перапрацоўваць усе віды адходаў: шкло, метал, макулатуру, дрэва, палімеры, арганіку. У планах і вытворчасць прэ-RDF-паліва. Аднак гэтае пытанне пакуль яшчэ ў распрацоўцы.
– Неабходна вывучыць сусветны вопыт і разгледзець магчымасць набыцця неабходнага абсталявання, – дае даручэнне старшыня аблвыканкама.
