Дзелавыя колы Гомельшчыны наведалі папяровую фабрыку, малочную кампанію ў правінцыі Хэбэй. 

Кіраўнікі прадпрыемстваў таксама прэзентавалі сваю прадукцыю ў рамках бізнес-форуму "Электронная камерцыя Шаўковага шляху".

Кіраўнік адміністрацыі СЭЗ "Гомель-Ратон" Антаніна Яжова расказала аб ільготных умовах стварэння сумесных прадпрыемстваў.

Вынік візіту ў КНР – падпісанне новых дакументаў. Дагаворы, мемарандумы і пагадненні з кітайскімі партнёрамі ў сценах Пасольства Беларусі ў КНР у Пекіне падпісалі "Камінтэрн", Гомельскі хімзавод і Рагачоўскі МКК.

На цырымоніі прысутнічалі старшыня аблвыканкама Іван Крупко, Надзвычайны і Паўнамоцны Пасол Беларусі ў Кітаі Аляксандр Чарвякоў.

Сума мемарандума, падпісанага Рагачоўскім МКК, – каля аднаго мільёна кітайскіх юаняў, яшчэ адна дамова падпісана на суму больш за сем мільёнаў кітайскіх юаняў. Мемарандум Гомельскага хімзавода "важыць" каля 12,5 мільёна кітайскіх юаняў. "Камінтэрн" заключыў здзелку на 14,7 мільёна кітайскіх юаняў.