Зносіны з партнёрамі з Кітая працягнуліся на бізнес-форуме Гомельскай вобласці Рэспублікі Беларусь і горада Чанчунь правінцыі Цзілінь. Тут свае магчымасці прадставілі свабодная эканамічная зона «Гомель-Ратон», «Гомсельмаш», лікёра-гарэлачны завод «Радамір», «Спартак», прадпрыемствы Гомельскай мяса-малочнай кампаніі.

На адкрыцці выступіў старшыня аблвыканкама Іван Крупко. Ён прэзентаваў патэнцыял Гомельшчыны і запэўніў удзельнікаў форуму, што беларускі бок гатовы да павелічэння паставак на кітайскі рынак:

— З 2020 года Кітай з'яўляецца другім гандлёвым партнёрам Беларусі пасля Расійскай Федэрацыі, а Беларусь уваходзіць у дзясятку найбуйнейшых пастаўшчыкоў у Кітай высакаякаснай прадукцыі. Наладжванне прамых сувязяў паміж рэгіёнамі на ўзроўні бізнесу з'яўляецца базай гандлёва-эканамічнага супрацоўніцтва.

Як адзначыў губернатар, паспяховае развіццё бізнесу грунтуецца на абмене вопытам, ведамі, тэхналогіямі, што дазваляе знаходзіць інавацыйныя рашэнні і павышаць канкурэнтаздольнасць.

Работа на палях бізнес-форума ўключала таксама перамовы кіраўнікоў кампаній паўднёва-ўсходняга рэгіёна з партнёрамі з КНР. У выніку сустрэчы дасягнуты новыя дамоўленасці, а таксама падпісаны пагадненні аб намерах пастаўкі прадукцыі прадпрыемстваў Гомельшчыны ў Кітай.