Старшыня аблвыканкама Іван Крупко праінспектаваў ход работ па будаўніцтве комплексу па абыходжанні з ЦКА пад Гомелем. 

Агульная гатоўнасць комплексу – 68%, частка работ праводзіцца з нязначным адставаннем. Кіраўнік рэгіёна раскрытыкаваў будаўнікоў: 

– У адпаведнасці з дырэктыўным графікам аб'ект павінен быць уведзены ў эксплуатацыю вясной 2026 года. І гэты тэрмін вы абавязаны выканаць – пры пастаўцы матэрыялаў, заключэнні дагавораў з падрадчыкамі, выкананні пастаўленых задач.

Абмеркавалі таксама пытанне бяспекі для будучых супрацоўнікаў комплексу, выкарыстанне новых тэхналогій пры сартаванні адходаў.

Як расказаў журналістам намеснік генеральнага дырэктара Гомельскага ДБК Уладзімір Фалейчык, у кожнага аб'екта будучага комплексу на гэты момант свая ступень гатоўнасці:

– Адміністрацыйна-бытавы будынак гатовы на 65%, корпус па вытворчай перапрацоўцы адходаў – на 55%. Працягваюцца работы па будаўніцтве корпуса аэробнай стабілізацыі, навесы пад складаванне і драбненне адходаў гатовы на 98%.

Разам з асноўнымі работамі на комплексе вядзецца закрыццё перыметра, мантаж даху і тэхнічнага абсталявання. Акрамя таго, пачаты добраўпарадкаванне, пракладка сетак, бетонных дарог.

Па словах Уладзіміра Фалейчыка, заўвагі старшыні аблвыканкама Івана Крупко прыняты да выканання, будаўнікі ўзялі на сябе дадатковыя абавязацельствы па ўводзе аб'екта, таксама павялічваецца колькасць рабочых для выканання пастаўленых задач.