Старшыня аблвыканкама Іван Крупко правёў перамовы са старшынёй Хатлонскай вобласці Рэспублікі Таджыкістан Даўлаталі Саідам. Кіраўнікі абмеркавалі планы далейшага супрацоўніцтва і эканамічнага ўзаемадзеяння. Удзел у сустрэчы прыняў Надзвычайны і Паўнамоцны Пасол Рэспублікі Беларусь у Рэспубліцы Таджыкістан Віктар Дзенісенка.

Аснову экспарту ў Таджыкістан складае прадукцыя метала- і дрэваапрацоўкі, а таксама харчовая малочная і кандытарская прадукцыя, жывая жывёла. Аснова імпарту з Таджыкістана – пража баваўняная. Прадпрыемствы Гомельскай вобласці і Рэспублікі Таджыкістан знаходзяцца ў пастаянным кантакце, прымаюць удзел у форумах і выставах, абменах візітамі. 

Гомельшчына зацікаўлена ў развіцці супрацоўніцтва з Хатлонскай вобласцю, павелічэнні ўзаемных паставак высакаякасных тавараў, рэалізацыі сумесных праектаў, падкрэсліў Іван Крупко. 

Губернатар прапанаваў і шэраг перспектыўных напрамкаў: пастаўка якасных прадуктаў харчавання, мэблі, прадукцыі дрэваапрацоўкі, сельскагаспадарчай тэхнікі, праектаванне малочнатаварных комплексаў.